Жаңалықтар

«Евразия» СК Үрімші қаласында өткен China-Eurasia EXPO көрмесінде елдің ең ірі сақтандыру топтарының бірі China Pacific Insurance Company (CPIC) өзара түсіністік туралы меморандумға қол қойып, қытай бағытындағы халықаралық ынтымақтастықты кеңейтті. Бұл оқиға Қазақстан мен Қытай арасындағы сақтандыру және қайта сақтандыру бағыттарындағы байланыстарды нығайту жолындағы маңызды қадам болды.

Көрмеде қытайлық компаниялар экономиканың түрлі салаларында Қытайды Орталық Азия арқылы Еуропамен байланыстыратын бірыңғай көлік-логистикалық және энергетикалық инфрақұрылымды дамыту үшін негізгі серіктестерін табады. Іс-шара Қытай Халық Республикасының «Бір белдеу, бір жол» (Belt and Road Initiative) ауқымды мемлекеттік бастамасы аясында өтуде. Осылайша, Қазақстандағы сақтандыру саласында Қытай тарапының негізгі серіктесі ретінде республикадағы жалпы сақтандыру саласындағы ең ірі компания – «Евразия» СК таңдалды.

«Ірі халықаралық инвестициялар, әсіресе стратегиялық инфрақұрылымдық жобаларға сенімді сақтандыру өтемінсіз мүмкін емес. «Евразия» СК мен China Pacific Insurance Company бірлесіп Қазақстанда жұмыс істейтін қытай бизнесі үшін жоғары сыныпты сақтандыру шешімдерін әзірлейтін болады. Біз әртүрлі бағыттар бойынша сақтандыру арқылы қорғауды ұсынуға дайынбыз», – деп, меморандумға қол қою кезінде «Евразия» СК басқарма төрағасының бірінші орынбасары Самат Қабдолов мәлімдеді.

CPIC және «Евразия» СК Қазақстандағы қытай бизнесінің тәуекелдерін қайта сақтандыруға бағытталған жобаларды дамытуға, сондай-ақ жеке клиенттерді - Қытай азаматтарын сақтандырумен қамтамасыз етуге ниетті. Қытай Халық Республикасымен сауда-экономикалық байланыстардың белсенді түрде дамуы жағдайында Қазақстанға қытайлық кәсіпкерлер мен туристердің келуі барған сайын артып келеді, ал еліміздің аумағы Қытайдан Еуропаға бағытталған тауарлар экспортының негізгі бағыттарының біріне айналды. «Евразия» СК Қытайдан келген клиенттерге мүліктік тәуекелдерді, оның ішінде жүктер мен КАСКО-ны сақтандыруға арналған мамандандырылған сақтандыру өнімдерін ұсынуды жоспарлап отыр.

Меморандумға қол қоюдың салтанатты рәсіміне Қазақстанның атынан қатысқан «Евразия» СК-мен қатар, Орталық Азия өңірі елдерінің – Қырғызстанның, Өзбекстанның және Тәжікстанның сақтандыру компаниялары да қатысты.

Анықтама үшін:

«Евразия» СК – Қазақстан мен Орталық Азиядағы жалпы сақтандыру саласындағы ең ірі компания. 2026 жылдың бірінші жартыжылдығының қорытындысы бойынша активтері 716 млрд теңгеден асып, жалпы сақтандыру нарығының 41%-ын құрады. Қазақстанның қаржылық қызметтерін ірі экспорттаушылардың бірі болып табылады және халықаралық қайта сақтандыру саласында танымал  көшбасшы  ретінде саналады.

S&P агенттігінің рейтингі BBB деңгейінде, болжамы – «Тұрақты», бұл ТМД елдеріндегі сақтандыру компаниялары арасындағы ең жоғары рейтинг болып табылады және Қазақстанның тәуелсіз кредиттік рейтингінен бір саты жоғары. Өткен жылы A.M. Best агенттігі компанияның B++ рейтингінің болжамын «Тұрақтыдан» «Позитивтіге» дейін жақсартты.

 China Pacific Insurance Company (CPIC) – құрамына өмірді сақтандыру және жалпы сақтандыру саласындағы компаниялар кіретін Қытайдағы ең ірі сақтандыру топтарының бірі, ел үкіметінің бақылауында. 2026 жылғы 31 наурыздағы жағдай бойынша топ активтерінің шоғырландырылған көлемі 3,2 трлн юаньды құрады. CPIC Азиядағы және әлемдегі ең ірі сақтандыру компанияларының бірі, сондай-ақ Forbes 2000 журналының рейтингіндегі ең ірі жария компаниялардың қатарына кіреді.

Kapital.kz - 10.08.2026 - https://kapital.kz/finance/151388/sk-evraziya-stanet-mostom-v-kazahstan-dlya-krupnogo-strahovshika-kitaya.html